يانيل أنا زيك
باروي بحنيني الأرض
لو نروي من ريّك ..
تحيا عزيمتنا .. اهلا كرامتنا
لو توبي من توبك
كلمتنا ماتترد
يا نيل وانا عطشان
شطك بيرفضني
لو مرة يسمعني
أو يروي موالي
أو يرضى يزرعني
ع الضفة لو شجرة
انشرني ضليلة
أدي في يوم ثمرة
راح ألقى عنواني
منحوت على صخرة
أو مية للصحرا
أروي أمل بلدي
أبني لهرم ولدي
في النني يا سمرة
إزرعني من تاني
حرف ف بدن كلمة
أصرخ في جوف لأ
أنطق حروف حكمة
دايما هاتلقوني
آهة في جوف نسمة
زفرة غضب حرة
جعبتها دي ف دمي
مش جايَّة من برة
حكمتها جامعاني
نقطة في توب مطرة
سكتها مش خطرة
قبلتها موج نيلي
أروي أمل بكرة
موالها من نيلي
( يانيل وآه يانيل ) موال
نبع الأمل فاضي
سكة أملنا دي فين
بالحيرة زوادي
يانيل وآه يانيل
بالحوجة جلادي
يانيل وآه يانيل
أصبح لنا القاضي
يانيل وآه يانيل
ياهرمنا باكي عليك
ع النيل وع الإنسان
والنيل بيرفضنا
واهو زينا عطشان
يانيل أنا ريك
باروي بحنيني الأرض
بلَّغني ..موج ريَّك
أرمي له مكتوبي
أغسل ألم توبي
أنسجني توب تاني
من فرحي واحزاني
نسَّاجه من بكرة
وخيوطه من زيَّك
يهجرني حرماني
وابقى يانيل زَيَّك
نبقى يانيل زَيَّك
نروي بعرقنا الأرض
نشبع بحب الأرض
نبقى الصلة للفرض
تحيا عزيمتنا
تعلا كرامتنا
كلمتنا ماتترد
...........
أحمد أبو سديرة
ليست هناك تعليقات:
إرسال تعليق